Latest News

தெலுங்கானாவில் இயல்பை விட அதிகரிக்கும் மழைப்பொழிவு

ஐதராபாத் : தெலுங்கானாவில் பெய்து வரும் கனமழையால் மாநிலத்தின் மழைப்பொழிவு இயல்பை விட உயர்ந்துள்ளதாக அதிகாரிகள் தெரிவித்துள்ளனர். தென் மேற்கு பருவமழை தீவிரமடைந்து வருவதால் இந்தியாவின் பல்வேறு மாநிலங்களிலும் இயல்பு நிலையை விட அதிக அளவிலாக மழை பெய்து வருகிறது. இடைவிடாது பெய்யும் கனமழையால் நாட்டிலுள்ள பல்வேறு முக்கிய நதிகள் மற்றும் நீர்த்தேக்கங்களில் தண்ணீர் அளவு உயர்ந்து வெள்ளப்பெருக்கு ஏற்படும் அபாயத்தில் உள்ளன. தெலுங்கானாவில் ஒவ்வொரு ஆண்டும் பருவமழை மாநிலத்தை முன்னேற்ற பாதையில் எடுத்து செல்லும். இந்த ஆண்டின் ஆரம்ப நாட்களில் அதிக மழை பெய்ததால் நீர்வரத்து உயர்ந்தது. அதன் மூலம் நீர்வளத்துறையை முதல்வர் மறுஆய்வு செய்தார். பல்வேறு விவசாய திட்டங்களுக்கு உதவும் வகையில் அதிகாரிகளுடன் ஆலோசனை நடத்தினார்.கடந்த 6 நாட்களில் ( ஆக.,12 முதல் ) மாநிலத்தில் அதிகப்படியான மழை பெய்தது. ஒட்டு மொத்தமாக 201 மி.மி ஆக பதிவானது. தென்மேற்கு பருவமழையின் சாதாரண மழை அளவை விட ( 720.4 மி.மீ ) இந்த ஆண்டு ஜூன் 1 முதல் 724.6 மி.மீ. ஆகவும், நேற்று நிலவரப்படி 508.5 மி.மீ சாதாரண மழைக்கு எதிராக சுமார் 43 சதவீதம் அதிக மழை பதிவாகியுள்ளது. மாநிலத்தின் 33 மாவட்டங்களில் சுமார் 13 மாவட்டங்களில் 60 சதவீதத்திற்கும் அதிகமான மழை பெய்தது.

அத்துடன் வாரங்கல், மஹபூப்நகர், கரீம்நகர் ஆகிய மாவட்டங்களில் 142 % (993.2 மி.மீ) மழையும், வனபர்த்தியில் 138 % ( 572.8 மி.மீ) மழையும், ஜொகுலம்பா, கட்வாலில் 108 % (1085.3 மி.மீ) மழையும், வாரங்கல் ( நகர்புறம் ) , நாராயண்பேட்டில் 107 % (604 மி.மீ) மழை பெய்தது.முலுகு, ஜெயசங்கர், பூபாலபள்ளி, பத்ராட்ரி, கோத்தகுடெம், சித்திபேட்டை, வாரங்கல் (நகர்புறம்) ,ஜங்காவ்ன், கரீம்நகர், மஹபூப்நகர், கட்வால், ஜொகுலம்பா, நாகர்கர்னூல் ஆகிய மாவட்டங்கள் அதிக மழையை பெற்றன. இருப்பினும், முலுகு மாவட்டத்தில் அதிகபட்சமாக 1,401.3 மி.மீ மழையும், ஜெயசங்கர் பூபாலபள்ளி மாவட்டத்தில் 1,107.8 மி.மீ , பெடப்பள்ளி, மஹபூபாபாத், ராஜண்ணா சிர்சில்லா, மெடாக், யாதாத்ரி போங்கிர், மேட்சல்-மல்கஜ்கிரி, ஐதராபாத், ரங்காரெட்டி, விக்ராபாத், நல்கொண்டா மற்றும் சூர்யாபேட்டை ஆகிய 12 மாவட்டங்களில் சாதாரண மழையை விட 20 சதவீதத்திற்கும் அதிகமான மழை பெய்தது. மீதமுள்ள 8 மாவட்டங்களில் சாதாரண மழை பதிவாகியுள்ளது. ஆனால் நிர்மல் மாவட்டத்தில் 566.6 மி.மீ (686.1 மிமீ) சாதாரண மழைக்கு எதிராக 17 சதவீதம் குறைந்துள்ளது.அடுத்த 24 மணி நேரங்களுக்கு, ஆதிலாபாத், கரீம்நகர், வாரங்கல் மற்றும் கம்மம் ஆகிய மாவட்டங்களில் தனிமைப் படுத்தப்பட்ட இடங்களில் பலத்த மழை பெய்யலாம். மாநிலத்தில் பல இடங்களிலும் மிதமான அல்லது கனமழைக்கு வாய்ப்பு உள்ளது. ஏனெனில் இன்று வடக்கு வங்காள விரிகுடாவில் குறைந்த அழுத்த பகுதி உருவாக வாய்ப்புள்ளது. அடுத்தடுத்த 24 மணி நேரங்களில் இது மேலும் குறிக்கப்பட்டு மேற்கு நோக்கி நகரும் வாய்ப்பு அதிகம் என்று ஒரு வானிலை அதிகாரி கூறினார்.

No comments:

Post a Comment

TIYA

WEBSITE DESIGNED BY: NOORUL IBN JAHABER ALI WEBSITE CONTROLLED BY: DOT COLORS
sourceNOORUL IBN JAHABER ALI Copyright © 2015

Theme images by Bim. Powered by Blogger.