Latest News

பிரான்சில் கொரோனா அதிகரிப்பால் 81 பள்ளிகள் மூடல்

பாரிஸ் : பிரான்சில் உள்ள பள்ளிகளில் கொரோனா பாதிப்பு தீவிரமடைந்து வருவதால் 81 பள்ளிகள் மூடப்படுவதாக அந்நாட்டு அரசு தெரிவித்துள்ளது.கொரோனா வைரசின் தாக்கம் உலகின் பல நாடுகளையும் அச்சுறுத்தி வருகிறது. பிரான்சில் கொரோனா தொற்று உயர்ந்து வருவதால் அதனை கட்டுக்குள் கொண்டு வருவதற்கான முயற்சிகளை அந்நாட்டு அரசு தொடர்ந்து மேற்கொண்டு வருகிறது. தொற்று அச்சுறுத்தலால் இந்தியா உள்ளிட்ட பல நாடுகளில் பள்ளி மற்றும் கல்லூரி போன்ற கல்வி நிறுவனங்கள் மூடப்பட்டு உள்ளன. பிரான்சில் பள்ளிகளுக்கு அனுமதி அளிக்கப்பட்டதை தொடர்ந்து, பாதுகாப்பு விதிமுறைகளுடன் மாணவர்களுக்கு வகுப்புகள் நடத்தப்படுவதாக கூறப்படுகிறது.பிரான்சில் பள்ளி மற்றும் வகுப்புகள் மூடல் ஆகியவற்றின் எண்ணிக்கை உயர்ந்துள்ளது. பள்ளிகளில் கொரோனா பரவல் அதிகரித்ததை தொடர்ந்து, 81 பள்ளிகளை மூட அந்நாட்டு அரசு முடிவு செய்துள்ளது. ஆனால் பெற்றோர்கள் குழந்தைகளை மீண்டும் வகுப்பிற்கு அனுப்புவதற்கான விதிகளை அரசாங்கம் தளர்த்தியுள்ளது. இது தொடர்பாக அந்நாட்டு கல்விதுறை அமைச்சர் ஜீன்-மைக்கேல் பிளாங்கர் இன்று கூறுகையில், ஆக., முதல் பிரான்சில் கொரோனா தொற்று அதிகரித்து வருகிறது.கடந்த வாரத்தில் புதிதாக 2,100 மாணவர்களுக்கு கொரோனா தொற்று கண்டறியப்பட்டது. பிரான்ஸில் மார்சேய் மற்றும் லியோன் ஆகிய நகரங்கள் நோய் தொற்றால் அதிக பாதிப்பைச் சந்தித்துள்ளன.

பிரான்ஸில் கடந்த சனிக்கிழமை மட்டும் 10,000 பேர் வரை கொரோனாவால் பாதிக்கப்பட்டனர். மேலும், ரென்னஸ் பல்கலைக்கழகத்தில் பயிலும் 83 மருத்துவ மாணவர் களுக்குக் கொரோனா தொற்று உறுதிப்படுத்தப்பட்டு உள்ளது. கொரோனா பாதிப்புகளை தங்கள் வளாகத்தில் கண்டறிந்த பின்னர் மொத்தம் 81 நிறுவனங்கள் மற்றும் 2,100 தனிப்பட்ட வகுப்புகள் மூடப்பட்டுள்ளன.கடந்த வாரங்களில், நாட்டில் 28 பள்ளிகள் மற்றும் 524 தனிப்பட்ட வகுப்புகள் மூடப்பட்டன. இந்த எண்ணிக்கை தற்போது அதிகரித்துள்ளது.

மூன்று பேர் பாதிக்கப்பட்டாலும் ஒரு வகுப்பு மூடப்படும். பிரான்சில் கொரோனாவால் பள்ளிகள் மூடப்படுவது, நாட்டில் உள்ள 60,000 பள்ளிகளில் ஒரு சிறிய பகுதியை மட்டுமே பிரதிநிதித்துவப்படுத்துகின்றன. ஆயினும், ஆகஸ்ட் மாதத்திலிருந்து கொரோனா பாதிப்புகள் அதிகரிப்பதைத் தடுக்க புதிய கட்டுப்பாடுகள் தேவைப்படலாம் என்று பிரெஞ்சு அதிகாரிகள் எச்சரித்துள்ளனர்.பள்ளிகளில் பதிவுசெய்யப்பட்ட தொற்று பாதிப்புகள் அதிகரித்துள்ள போதிலும், கொரோனா அறிகுறிகளைக் கொண்ட குழந்தைகள் வகுப்பிற்குத் திரும்புவதற்கு ஒரு மருத்துவரின் நோய்வாய்ப்பட்ட குறிப்பை (une attestation) வழங்க வேண்டிய அவசியமில்லை. பெற்றோர் பிரெஞ்சு மொழியில் ஒரு சான்றளிப்பு சுர் எல் ஹொன்னூர் ( attestation sur l'honneur, ) என்று அழைக்கப்படுவதை நிரப்ப வேண்டும். பெற்றோர் கையொப்பமிட்ட எழுத்துப்பூர்வ ஆவணம், குழந்தை வைரஸுக்கு எதிர்மறையாக சோதனை செய்ததாகக் குறிப்பிடுகிறது. இவ்வாறு தெரிவித்தார்.

 

No comments:

Post a Comment

TIYA

WEBSITE DESIGNED BY: NOORUL IBN JAHABER ALI WEBSITE CONTROLLED BY: DOT COLORS
sourceNOORUL IBN JAHABER ALI Copyright © 2015

Theme images by Bim. Powered by Blogger.